FUNDA NGENKOLO YE-iSLAM
OHAMBENI LWAMAHHALA LWASE MOSQUE
Ungaba kanjani ngomunye wabavakashela isonto (mosque) yakwaDukuza mahhala?
Ukuze ukwazi ukubhuka uhambo lwaseMosque, kudingeka uvakashele e- Islamic Information Centre, bayobe sebekuhlelela uhambo ohlelweni lwabo lwamasontonke.
Imininingwane yohambo
Usuku: Njalo ngolwesithathu
Isikhathi: 12:30 emini kuya ku 13:30 emini.
Ngingafona yini ukuze ngibhuke uhambo?
Yebo ungasifonela kulenombolo 032 5511 366
Ngingasivashela ngasikhathisini isikhungo ( Centre)?
Ngomsombuluko kuya kuLwesine sivula ngo 8:00 ekuseni; sivale ngo 4:30 ntambama
Sivalela idina kusukela ngo 1:00 emini kuya ku 2:00 emini
Ngolwesihlanu sivalela idina ngo 12:00 kuya ku 2:00 emini
NgoMgqibelo Sivula ngo 8:00 sivale ngo 12:30 emini
Iyini i-Islam?[what is islam]
*I-Islam indlela yokuphila .Akuyona inkolo nje kuphela, kodwa ikake yonke imikhakha yempilo.
*I-Islam isho ukuthula.Ingakho nje igqugqumezela ukuthula, ukubekezela nothando.I-Islam iyaphikisana nodlame nokuhlasela, ngaphandle uma uzivikela.
*Abandela inqubo ye-Islam babizwa ngamaMuslim.
* Ama-Muslim akhonza uMdali oyedwa
* Ezinye zezimfundisonqangi ze-Islam ilezi: umusa, uzwelo, ukuthula, ubulungiswa, ukubekezela, ukwethembeka. Ukungeqisi esikalweni isisekelo sayo.
*Imithetho nemiyalo kaMvelinqangi iqukethwe eTestamenteni lokugcina, iKuran engcwele, igqame ngokuthi iyona yodwa incwadi kaMvelinqangi engakaze ishintshwe.
*IKuran engcwele yambulwa kumprofethi ongcwele uMuhammed ngoGabriyeli ivela kuMvelinqangi.
*UMprofethi uMuhammed uyisithunywa sokugcina, ohlwini olude lwezithunywa ezihloniphekile okubalwa kuzo uNowa, uJobe, uMose, u-Aroni, uJakobe, uJosefa, uSolomoni, uDavide,u-Abraham, uJesu nabanye (ukuthula kube kubo bonke).
*I-Islam ifundisa ukuhlonipha zonke izithunywa zikaMvelinqangi.
*AmaMuslim ayakholelwa ekuphileni emva kokufa.
*AmaMuslim ayakholwa ukuthi wonke umuntu uyokwahlulelwa ngezenzo zakhe, futhi umuntu uyothola umvuzo oyizulu noma isijeziso esiyisihogo ngenxa yezenzo zakhe.
Ingabe amaMuslim ayakholwa nguJesu?[do muslims believe in jesus]
AmaMuslim akholwa ukuthi uJesu uyisithunywa sikaMvelinqangi.
AmaMuslim asihlonipha kakhulu isithunywa esinguJesu kanye nonina uMariya.
AmaMuslim ayakholelwa ekuzalweni kwesithunywa uJesu okuyisimangaliso, ayakholwa futhi yizimanga ezenziwa uJesu.
AmaMuslim ayakholwa ukuthi uJesu uzobuya eze kulomhlaba.
Uthi bewazi nje? [did you know]
KunamaMuslim ayibhiliyoni nengxenye emhlabeni wonke jikelele.
I-Islam iyona nkolo edlondlobala kakhulu kunazo zonke izinkolo.
Baningi abesifazane abaphendukela ku-Islam.
Ingxenye enkulu yabantu base Afrika bangamaMuslim.
Eningizimu Afrika kunamaMuslim acishe abe isigidi.
Inkolo ye-Islam e-Afrika [islam in Africa]
Izwekazi lokuqala ukwamukela i-Islam i-Afrika.
Inkosi yokuqala eyamukela i-Islam kwakuyinkosi yomdabu yase-Afrika, eThopiya, iNkosi uNigas.
I-Islam yafinyelela e-Afrika yonkana ngaphandle kweNingizimu.
I-Islam yahlwanyelwa eYurophu (Spain naseFrance) ivela e-Afrika.
Ziningi izazi ezokudabuka ezwenikazi i-Afrika ezaziyizingcweti ku-Islam.
Ingabe amaMuslim ayazikhonza yini izithixo?[do muslims pray to idols]
I-Islam iphikisana nazo zonke izindlela zokukhonza izithixo.
AmaMuslim awazikhonzi nhlobo izithixo. Asivumelekile isithombe sento ephilayo esontweni noma ezindaweni zokukhonzela zamaMuslim.
I-Islam ayivumelani nokubazwa kwezithombe ngenxa yokuthi ziholela ekukhonzeni izithixo.
